Bul týraly Prezıdenttiń baspasóz hatshysy Berik Ýálı Facebook-tegi paraqshasynda jazdy.
«2021 jyldyń ózinde Biryńǵaı jınaqtaýshy zeınetaqy qorynyń 700 myń salymshysy óz jınaǵynyń bir bóligin turǵyn úı alýǵa, emdelýge jumsaı alady nemese basqarýshy kompanııalardyń ıeligine beredi. Úkimetke Ulttyq bankpen birlesip, osy jyldyń sońyna deıin barlyq qajetti normatıvtik-quqyqtyq aktilerdi qabyldap, daıyndyq jumystaryn júrgizýdi tapsyramyn», dedi.
Prezıdent 2020 jyldyń 1 qyrkúıeginde «Jańa jaǵdaıdaǵy Qazaqstan: Is-qımyl kezeńi» atty Joldaýynda. Memleket basshysy Qasym-Jomart Toqaevtyń turǵyn úı jaǵdaıyn jaqsartýǵa qatysty zeınetaqy jınaǵynyń bir bóligin paıdalaný jónindegi bastamasyn júzege asyrý aıasynda Biryńǵaı jınaqtaýshy zeınetaqy qory 470 122 ótinishti qarady.
Bul boıynsha berilgen qarjynyń jalpy mólsheri – 1,92 trıllıon teńge.
Atap aıtqanda: • Turǵyn úı satyp alýǵa (tolyq tólem), úı qurylysyna, onyń ishinde jer ýchaskesin satyp alýǵa 1,36 trıllıon teńge (70,62 %);
• Ipoteka boıynsha alǵashqy jarna retindegi tólemge, ıpotekalyq qaryz boıynsha bereshekti tolyq jáne jartylaı óteýge jáne ony qaıta qarjylandyrýǵa 246,1 mıllıard teńge (12,81 %);
• Turǵyn úı qurylysy jınaǵy júıesi boıynsha ıpotekalyq turǵyn úı qaryzyn alý, sondaı-aq tolyq jáne jartylaı óteý jáne qaıta qarjylandyrý úshin 262,1 mıllıard teńge (13,64 %);
• Basqa da maqsatpen, sonyń ishinde satyp alý quqyǵymen jalǵa alý sharty boıynsha bereshekti tolyq jáne jartylaı óteý úshin 56,3 mıllıard teńge (2,93%). Bankter boıynsha:
• «Otbasy bank» QTQJB» aksıonerlik qoǵamynda – 446 711 ótinish qaralyp, arnaýly shottarǵa 1,87 trıllıon teńge aýdaryldy;
• «Qazaqstannyń Halyq Banki» aksıonerlik qoǵamynda – 18 063 ótinish qaraldy. Berilgen qarjynyń jalpy kólemi – 45,5 mıllıard teńge;
• «Bank SentrKredıt» aksıonerlik qoǵamynda – 5 055 ótinish qaralyp, jalpy 9,2 mıllıard teńge aýdaryldy;
• «Altyn Bank» aksıonerlik qoǵamy jalpy somasy 511 mıllıon teńge bolatyn 187 ótinishti qarastyrdy;
• «Bank Frıdom Fınans Kazahstan» aksıonerlik qoǵamynda – 106 ótinish qaraldy. Aýdarylǵan qarjynyń jalpy somasy 401 mıllıon teńge.
Emdelý aqysyn tóleýge qatysty 53 821 ótinish qaralyp, jalpy mólsheri 49,1 mıllıard teńge aýdaryldy. Onyń ishinde:
• Stomatologııalyq qyzmetterge 45,1 mıllıard teńge (91,89%);
• Oftalmologııalyq qyzmetterge 1,6 mıllıard teńge (3,28%);
• Orfandyq aýrýlardy emdeýge 467 mıllıon teńge (0,95%);
• Rekonstrýktıvtik jáne qalpyna keltirý (plastıkalyq) otalarǵa 220 mıllıon teńge (0,45%);
• Bekitilgen tizbede qarastyrylǵan basqa da medısınalyq qyzmetterge 1,7 mıllıard teńge (3,44%) bólingen.
2021 jylǵy 20 qazandaǵy málimetke sáıkes jalpy somasy 1,97 trıllıon teńge bolatyn barlyǵy 523 943 ótinish qaraldy. Túrli sebepterge baılanysty turǵyn úı jaǵdaıyn jaqsartý úshin alynǵan 262,4 mıllıard teńge jáne emdelýge alynǵan 7,3 mıllıard teńge qarjy BJZQ-ǵa qaıtarylǵan.
Investısııalyq portfeldi basqarýshy kompanııalarǵa berý jóninde qazaqstandyqtardyń 2 912 ótinishi qaraldy jáne aýdarylǵan qarjynyń jalpy somasy – 5,44 mıllıard teńge. «Jusan Invest» AQ, «BCC Invest» AQ, «Halyk Global Markets» AQ jáne «Sentras Sekıýrıtız» AQ basqarýshy ınvestısııalyq kompanııalardyń qataryna jatady.
